«Ақпараттық-есептеу орталығы» АҚ
2024 жылғы 23 қыркүйектегі № 608
бұйрығымен бекітілген

e-Qazyna.kz веб-порталының құпиялық саясаты

1-тарау. Жалпы ережелер

1. Осы Веб-портал e-Qazyna.kz құпиялылық саясаты (бұдан әрі - Саясат) барлық пайдаланушылар домен атауы https://e-qazyna.kz/ орналасқан, веб-портал e-Qazyna.kz (бұдан әрі – e-Qazyna) қолдану кезінде ұсынған ақпаратқа қатысты қолданыста болады.

2. е-Qazyna пайдаланушысы, е-Qazyna-ны пайдалануға бағытталған барлық іс-қимылдарды жүзеге асыра отырып, Саясаттың барлық талаптарын толық қабылдайды және Саясатта сипатталған мақсаттар үшін ұсынылатын деректерді өңдеуге өз еркімен келіседі.

3. Егер Пайдаланушы Саясатпен келіспеген жағдайында, онда ол е-Qazyna-ны пайдаланудан бас тартуы тиіс.

2-тарау. Пайдаланушының ақпаратын жинау және/немесе өңдеу

4. Осы Саясатта жеке деректерді өңдеу дегеніміз:

1) деректер жинау;

2) оларды жүйелеу;

3) жинақтау;

4) көшіру;

5) сақтау;

6) редакциялау (жаңарту, өзгерту);

7) пайдалану;

8) иесіздендіру;

9) блоктау;

10) жою;

11) Қазақстанның қолданыстағы заңнамасында көзделген деректерді өңдеудің өзге де түрлері.

5. е-Qazyna-ны пайдалану келесі пайдаланушы туралы ақпаратын өңдеуге пайдаланушының сөзсіз келісімін білдіреді:

1) жеке деректер.

Бағдарламалық өнімдерін және/немесе сервистерін пайдалану кезінде, е-Qazyna келесі деректерін қосқанда, бірақ шектемей жинауы және өңдеуі мүмкін: пайдаланушының ЖСН/БСН, пайдаланушының ТАӘ, ұялы телефон нөмірі, туылған күні және/немесе жылы, электрондық пошта мекенжайы, IP-мекен-жайы, қол жеткізу іске асырылатын мобильдік құрылғы туралы мәліметтер, бағдарламалық өнімдерден және/немесе сервистерден кіріп-шығулар күні мен уақыты, операциялық жүйенің нұсқасы, құрылғының бірегей сәйкестендіргіштері.

Жеке деректер тек қана келесі мақсаттар үшін жиналады:

– пайдаланушыны сәйкестендіру;

– пайдаланушыға дербестендіру қызметтерін ұсыну;

– пайдаланушымен байланыс, соның ішінде е-Qazyna-ны пайдалануға қатысты хабарламаларын, ұсынымдар мен ақпаратын жөнелту, қызметтер көрсету, сондай-ақ пайдаланушының сұрау салуларын өңдеу;

2) жеке деректерге жатпайтын пайдаланушының деректері.

Жеке деректерге жатпайтынын қосқанда, бірақ шектемей, деректердің түрлері:

- мүліктік жалдау (жалға алу) шарты бойынша мәліметтер;

- жергілікті атқарушы орган мемлекеттік мүлік тізілімінде тіркейтін тұрғын үйді жалдау (қосымша жалдау) шарты бойынша мәліметтер;

- мемлекеттік қордан тұрғын үйлерді жекешелендіру шарты бойынша мәліметтер

- жылжымайтын мүлікке тіркелген құқықтар (ауыртпалықтар) және оның техникалық сипаттамалары туралы мәліметтер;

- үй-жайларды жалға беру бойынша берешектің жоқ (бар) екендігі туралы мәліметтер;

- сауда-саттық туралы мәліметтер;

- жер учаскесі туралы мәліметтер;

- мүлікті бағалау туралы мәліметтер;

- банктік қарыз шарттары бойынша және микрокредит беру туралы мәліметтер;

- концессия және мемлекеттік-жекешелік әріптестік шарттары бойынша мәліметтер;

- мемлекеттік мекемелер мен кәсіпорындардың жарғылық капиталына мемлекет қатысатын, заңды тұлғалар туралы мәліметтер;

- мемлекеттік мекемелер мен кәсіпорындардың жарғылық капиталына мемлекет қатысатын, заңды тұлғалардың қаржылық есептілігі.

6. Пайдаланушы е-Qazyna-ны пайдалану кезінде деректермен байланысты барлық іс-қимылдар үшін толық жауапкершілікке жауапты болады. Деректерді берген соң, олардың иеленушісі пайдаланушы болып қалады.
Деректерді өңдеу мақсатына сәйкес, олар қажетті мерзімінен аспайтын сақталады, бұл ретте пайдаланушы кез келген уақытта деректерді жою туралы өтініш жасай алады.

3-тарау. Пайдаланушылардың ақпаратын үшінші тұлғаларға ұсыну

7. Кейбір жағдайларда, е-Qazyna өнімдер мен қызметтерді ұсыну үшін е-Qazyna иеленушісімен ынтымақтасушы стратегиялық серіктестерге белгілі бір жеке деректерді ұсына алады. E-Qazyna иеленушісі тек қана талап етілетін қызметті ұсыну немесе қажетті транзакцияны өткізу үшін қажетті жеке деректердің көлемін ұсынады. Стратегиялық серіктестер осы Саясаттың талаптарын қабылдауға міндеттенеді. Ақпарат маркетингтік мақсаттар үшін үшінші тұлғаларға ұсынылмайды.

8. Жеке деректерді пайдалану үшін е-Qazyna жеке деректерді өңдеуге пайдаланушының Келісімін сұрайды.

Пайдаланушының жеке деректері Қазақстан Республикасының уәкілетті мемлекеттік органдарының сұрау салулары бойынша Қазақстан Республикасының заңдарында белгіленген негіздер мен тәртібі бойынша ғана берілуі мүмкін.

4-тарау. Ақпараттың құпиялылығын сақтау үшін пайдаланылатын қауіпсіздік шаралары

9. е-Qazyna-да заманауи технологиялар мен ішкі процедуралар бар және ақпаратты сыртқы араласудан, ақпаратқа қол жеткізуге рұқсатсыз әрекеттерден, өзгерістерден, бұрмалаушылықтарды анықтаудан және/немесе электрондық құжаттардың мазмұнын өзгерткеннен, ақпаратты ашудан немесе бұзудан қорғауға бағытталған барлық іс-шараларды жүзеге асырады.

10. Пайдаланушы өз тіркеулік жазбасының деректерін теру кезінде жария етпеуге, бермеуге және жасыруға, электрондық цифрлық қолтаңбаны үшінші тұлғаларға бермеуге міндетті. Максималды қорғанысты қамтамасыз ету үшін вирусқа қарсы бағдарламаларды қолдану және уақытында жаңарту ұсынылады. Осы ұсынымдарды пайдаланушының сақтауы, берілген ақпараттың барынша қауіпсіздігін қамтамасыз етуге, сондай-ақ электрондық цифрлық қолтаңбаны қолданумен, соның ішінде Интернет арқылы операцияларын жасау кезінде мүмкін болатын тәуекелдерін төмендетуге мүмкіндік береді.

11. Құпия ақпаратты пайдалану «Дербес деректер және оларды қорғау туралы» Қазақстан Республикасының Заңымен, сондай-ақ Қазақстан Республикасының қолданыстағы заңнамасымен реттеледі.

12. Егер пайдаланушының деректері тиісінше емес түрінде қол жеткізілген немесе ашылған жағдайында, онда е-Qazyna пайдаланушыға кез-келген қолжетімді жолмен хабарлауға міндетті.

5-тарау. Өзге де ережелер

13. е-Qazyna пайдаланушысы өзінің бастапқы деректерін Excel-форматында алу мүмкіндігіне ие.

14. Пайдаланушының сұрау салуы бойынша е-Qazyna кез келген сәйкестендіру ақпаратын алып тастауға міндеттенеді, бірақ е-Qazyna бұрын жасалған кез-келген резервтік көшірмелерден ақпаратты жоюға міндетті емес.

15.Компания Саясатқа өзгерістер және/немесе толықтыруларды жариялау арқылы немесе е-Qazyna-да жаңа редакциясымен біржақты тәртіпте өзгерістер және/немесе толықтырулар енгізуге құқылы. Өзгерістер жарияланған соң дереу күшіне енеді, сондықтан е-Qazyna-ны үнемі қарап тұру ұсынылады.

16. е-Qazyna иеленушісі өзгерген жағдайда пайдаланушылар кез-келген қолжетімді тәсілмен хабарланады. е-Qazyna-ның жаңа иеленушісі осы Саясатты пайдаланушыларға қатысты сақтауға міндеттенеді.

e-Qazyna иесінің байланыстары

Сіз Құпиялылық саясатына қатысты мәселелер бойынша хабарласу үшін төменде орналасқан байланысын пайдалануыңызға болады.

Мекенжайы: Қазақстан, 010000, Астана қ., Республика даңғылы, 29-үй;

e-mail: iac@gosreestr.kz, тел.: +7 (7172) 552981